^

Banat Kalingawan

Ayaw'g diretsoha

Banat

Dear Tito Miguel,

Ako diay si Gayle, taga Badian,Cebu . Gisamokan nako sa akong higala nga si Rain kay  negative kaayo og mga post sa social media. Halos tanang tawo  nga nagpalibot kaniya kay  iyang kaaway. Grabe gyud siya kasamok,  ganahan ko motabang niya pero basin malain siya ba. Unsa ang ika-suggest nimo Tito Miguel nga words nga akong isulti niya nga dili siya malain?  —Gayle

Gayle,

Sugdi sa mga positibo, maski unsa kangil-ad ang tawo, duna gyud gihapon ta’y makita nga atong gusto. Sultihi unsa imo ganahan niya isip higala, ingna dayon usahay lang dili siya masabtan. Mangutana gyud na ngano. Inay nga imo siya tawgon nga palaaway, ingna lang medyo agresibo siya, ang laing tawo magtuo nga siya nangaway na. Busa angay siya mokalma, hinayan ang tingog, ipaubos ang tono ug pilion ang sakto nga mga pulong kay usahay ang naa sa iyang dughan dili maoy mogawas sa iyang baba.  Inay nga imo ingnon maldita siya’g humok makakita’g away, ingna lang nga mubo siya’g pasensiya, moulbo dayon kun iyang ka-istorya dili kasabot niya. Busa angay siya mopauyon-uyon depende sa iyang ka-istorya kay dili tanan pareha niya’g salabotan, taas ra siya’g standard.

Inay nga imo siya tawgon nga samok, ingna taas siya’g energy, usahay molabaw sa mood sa mga tawo. Kinahanglan sensitibo siya unsay trip sa grupo. Inay nga imo ingnon toxic iyang social media posts, ingna lang nga mas maayo iyang ibalanse, naay negative ug positive. Wala may dautan sa negative nga post basta kini constructive criticism, dili kay aron lang gyud mangaway o paka-uwawan ang uban. Nindot unta iyang sagola’g positive posts sama sa inspirational quotes, nature ug animals. Ingna ikaw ug iyang uban nga mga amiga ganahan makakita sa laing bahin sa iyang personalidad o pagkatawo, dili seryoso ug agresibo, chill ang disposisyon aron layo sa konsumisyon.  Tito Miguel

Magpatambag ka? Ipada kang Tito Miguel: 0998-581-5856

TITO MIGUEL

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with