^

Banat Kalingawan

Wagas ra kaayo sa social media

Banat

Dear Tito Miguel ,

Maayong adlaw , ako diay  si  Keanno, taga Calamba , Cebu City . Lain kaayo ang akong  girlfriend nga si  Kendra  kay  magsige og post sa among sweet photos sa Facebook. Wala rako'y problema anang birthday o ba kaha anniversary . Apan lainan ko nga mag-post siya permi sa among photos bisan walay okasyon. Maulaw bitaw ko ,kay makaingon niya ang ubang tawo ba nga  wagas o trying hard ra kaayo ang among relasyon. Liman ka, hasta sa among pagpangaon sa restaurant sa normal lang nga adlaw , i-post gihapon .  Dili siya mopatoo sa akong tambag niya nga mohunong na sa maong kinaiya. Unsa akong buhaton Tito Miguel ? — Keanno

* * *

Keanno,

Lahi lahi inyong trip. Siya buyangyang ang tanan, ikaw pribado. Kay diha man siya malingaw, ayaw lang ihikaw. Di pa ka ana, mapasigarbohon siya sa inyong relasyon. Pero sakto ka, sobra ra. Busa pakuhai lang gamay. Kay sa social media siya aktibo, lagmit iyang mga friends lapas sa libo. Pero dili tanan mo-react sa inyong mga hulagway nga gipatik niya. Tan-awa kuno. Kun gamay ra, diha siya paamgoha. Sa linibo niya ka mga higala, ngano gamay ra man mo react? Posible pa dili molapas sa gatos. Buot pasabot iyang mga higala napul-an na’g kasukaon. Gani, posible daghan na’y ni-unfollow niya.

Mahimong ordinaryo ang mga post kun adlaw adlawon. Mabarato na, ang iyang mga higala wala na’y hinangpon pa. Kumbinsiha ka usa pa, pilion ang mga espesyal nga okasyon, sama sa imong gi-ingon. Aron walay over-exposure. Ang mga artista’g celebrity bitaw kalit mohilom ug mahanaw sa social media, aron ilang followers maghinam hinam kanila.

Ingna angay nga hinay-hinayon niya iyang mga post bahin ninyo, ka’y kun magbuwag mo magkabuang siya’g delete sa iyang gipangpatik. Lagmit moingon duna gyud diay ka’y plano magkabuwag mo. Ingna wala. Pero dili makatabang sa inyong relasyon ang paghabwa niya sa iyang tinai sa social media. Basin manimaho na.  Kun dili mopatuo, ikaw unfollow. Pasagdi siya sa iyang trip, samtang ikaw magmalinawon sa imong pribado nga kinabuhi. Kun makamatikod nga ni-unfollow ka niya, angkona. Kay para nimo ang inyong relasyon kamo ang mag-atubang, dili atubangan sa tanan.     -Tito Miguel-

Magpatambag ka? Ipada kang Tito Miguel: 0991-318-9366

vuukle comment

SOCIAL MEDIA

Philstar
x
  • Latest
Latest
Latest
abtest
April 12, 2024 - 12:00am
fbtw
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

Get Updated:

Signup for the News Round now

FORGOT PASSWORD?
SIGN IN
or sign in with