^

Banat Kalingawan

Klarohi ninyo

Banat

Dear Tito Miguel,

Ako si Michelle, taga Barangay Capitol Site, Cebu City. Akong amiga nga si Cyra kay mataray kaayo basta mahubog. Imbis lingaw unta kaayo ang tagay session sa barkada, mosalida man siya, mangita og bikil nga klaro kaayo nga hinubog lang. Gusto namo nga i-ban na lang siya sa among barkada , sakto raba  among plano,Tito Miguel ?  — Michelle 

Michelle,

Dili kinahanglan inyo i-ban. Barkada man kaha mo, klarohi ninyo. Apan sa dili pa, kini ang buhata. Kun mag-inom mo, bantayi kun hapit na mosalida, sekreto’g kuha sa video hangtod nga siya mangita na’g bikil, magmaoy ba kaha’g mosuka. Inig sunod ninyo kita nga siya mahuwasan na, ingna nga kamo naguol sa iyang binuhatan kun mahubog na kay duol siya sa giyera. Ini’g pangutana ngano diay, diha na ipakita ang video. Apan ipasalig nga kini pribado, wala ninyo gipasa sa uban. Delete dayon ini’g human niya’g tan-aw.

Diha siya makaamgo unsa iyang mga kalapasan kun mahubog na. Dunay purohan ma-uwaw ug siya na mismo magdumili na pag-inom. Apan lagmit mopadayon gihapon. Diha na mo mosulti nga lingaw man siya kainom apan tambagi nga dili magpalabi, limitahan niya iyang tagay aron dili siya magpabuhagay, kay lagmit makakita siya’g kaaway. Anugon inyong panaghigalaay kun mabungkag sa tagay. Kun mopatuo, maayo. Kun dili, klarohi nga dili na ninyo siya kuyogon sa tagay alang sa iyang proteksyon, kay sa iyang kaugalingon dili man siya kapugong. Ayaw mo’g tago-tago nga kamo ra, mura mo’g mga bata. Pagklaro ngano dili na ninyo siya kuyogon sa tagay. Tutal dili man sad tingali inom ra inyong buhaton kada tapok. Tingali mag shopping sad mo o coffee ba kaha, sa maong mga higayon inyo siya kuyogon. Busa kamo barkada gihapon. Kun mangluod, pasagdi. Asa man mo, mopalayo siya kay nangluod o sa inyong atubangan mobuhat siya’g luod. —Tito Miguel

Magpatambag ka? Ipada kang Tito Miguel: 0998-581-5856

TITO MIGUEL

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with