^

Surpresa

(Banat) - January 28, 2016 - 9:00am

Gula 51

Inay nga mosulod ang lalaki, mas gipili niini nga mopundo una diha sa ganghaan sa ilang balay. Gipamati og maayo kun si kinsa ang tag-iya sa tingog sa usa ka babaye. Maoy misantop sa hunahuna sa lalaki nga laing babaye na sab siguro sa iyang amahan ang anaa sa ilang panimalay.

Apan nganong naghisgot man kini og anak. Nagpasabot kaha nga may anak ang iyang amahan sa maong babaye? Pero nganong may nabati man siya nga kuhaon niini ang anak? Hain man diay kaha ang gihisgotang anak? Gipaduol pa ni Carlo ang dunggan sa siradong pultahan sa ilang panimalay aron mabati gyud niya ang nagsultihanay diha sa sulod.

"Dili mo makuha ang akong anak!," maisogong pulong ni Arturo.

"Ug nganong dili man? Aron ipakita mo sa imong anak ang salawayon mong binuhatan, ha Arturo? Kuhaon ko ang akong anak. Wala kay ikahatag nga maayong kaugmaon sa bata. Labaw sa tanan, wa kay pulos nga pagka-amahan tungod sa imong pagkasalawayon," matud pa sa tingog sa babaye. "Kun wa ka nay gusto nako, wa koy mahimo. Kun makigbuwag ka, bahala ka!" Matud pa sa iyang amahan. "Basta ari nako ang akong anak, Arturo. Sumala unsay nahimong kinabuhi sa akong anak uban nimo? Nahimong barumbado,  nangulata’g taxi driver, hagbong pa halos sa tanang subjects.. wala nimo mapasubay sa hustong dalan ang bata.

Naingon na niana siya karon tungod sa ka walay pulos mo nga pagka-amahan. Nagtuo ka siguro nga wala ko masayud sa tanan mong binuhatan? Gihimo mong motel kining baya. Bisan kinsa na lang babaye ang dad-on mo dinhi. Immoral ka nga pagkatawo. Wa kay pulos nga pagka-amahan.

Busa kuhaon ko si Carlo gikan nimo," matud pa sa maong babaye. Dihang nabati ni Carlo ang iyang ngalan. Natingala siya. Di ba kaha ang iyang inahan maoy gikalalis sa iyang amahan.

"Ayaw ug ayaw gyud na'g buhata kun dili ka gustong magubot ta Gina," maisogong pulong ni Arturo.

Konpirmadong ang iyang inahan ang anaa sa sulod sa ilang panimalay. Nauli gikan sa Saudi. Busa, nakahukom ang lalaki nga mosulod sa ilang balay.

"Ma, nia kana gikan sa abroad?" Ni Carlo pa.

"Carlo anak, panghiposa ang imong mga sinena. Mobiya kana dinhi, uban ka nako, dili maayong panag-ingnan kining imong amahan," mando sa inahan.

"Nganong wala ka man magpahibawo nga moabot ka diay karon ma?" Pangutana pa ni Carlo.

"Aron surpresahon ning way uwaw mong amahan," matud pa ni Gina.

"Ayaw pag-uban kaniya Carlo," matud pa ni Arturo.

"Animal kang tawhana ka. Wa kay ulaw. Baga ka'g nawong. Giwaldas mo ang akong kwarta sa pagsige mo'g pangabit. Ug ikaw Carlo, nahibawo ka sa mga binuhatan sa imong amahan, pero wala ka gyud mosulti nako. Ngano? Gipinahan ka sa way uwaw mong amahan sa dili pagsulti nako?" Ni Gina pa.

"Kuan ma, kanang..ahmm." pagkanga-kanga ni Carlo. Wala mahibawo unsay itubag sa inahan.

"Panghiposa ang imong mga sinena, adto ta ni lola nimo sa Ginatilan," mando sa inahan.

"Dili Carlo, magpabilin ka dinhi sa balay," mando sa amahan.

"Ayaw pagbuot animala ka, labayon tika ron og sandal animala ka!," ni Gina pa nga morag kakan-onon og tawo.

"Ayaw kog hadloka labaw nang ayaw kog siga-siga-i sa imong mata, basin makatilaw ka karon. Mao ba ni ang imong sinugatan namo sa imong pag-abot?!!!" Pagbanghag ni Arturo sa asawa.

Pakk!!! kalit nga mipiti ang dagway ni Arturo nga gitamparos sa asawa.

"ma...!" si Carlo nga mipataliwa.

"Animal kang bayhana ka ha. Di ko mo-ila og asawa labaw sa tanan, dili ko moila nga gikan ka’g abroad animala ka!!", ni Arturo nga misiga na ang mata ug namuwa ang dagway dili tungod sa tamparos kun dili tungod sa kalagot, mi bakyaw sa komo.

"Paaaaaa ayawwww!" pagpugong ni Carlo sa amahan. (Sumpayan)

 

AMAHAN ANAK ANG ARTURO AYAW CARLO DILI GINA IMONG NGA QUOT
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with