Kontra sa mga ate

Dear DJ Jacky G.,

Minyo na ko, blessed with a baby girl. Akong problema karon kay dili ganahan nako ang mga ate sa akong bana. Angay ba nako nga buwagan ang akong bana tungod ani?  O pasagdaan na lang nako ang iyang mga maguwang? - Mea

* * *

Dear Mea,

Kon buwag ang solusyon sa bana’g asawa every time nga naa’y problema, aw, wala na’y nagpabilin nga magtiayon ron!  Ayaw tawon mo pagbuwag tungod lang niana. Dili pud angay nga pasagdan na lang ang inyong dili maayo’ng relasyon sa iyang mga igsuon. Mea, wala’y relasyon nga wala’y problema. Ayaw ni atubanga nga nag-inusara. Kon maglisod ka og direkta’g pangutana sa imong sisters-in-law, patabang sa imong bana.  Sutaa kon ngano nga wala sila nakaangay nimo. Basin naa diay pud ka’y angay usbon sa imong batasan. O basin wa lang mo nagkasinabot. Basin gagmay’ng bikil ra ang sinugdanan ana. Naa g’yud na’y rason. Kana ang pangitaa.

Once everything is out in the open, masugdan na ninyo’g hapsay ang angay hapsayon, make right what’s wrong. Ipakita nila ang imong effort nga gusto g’yud ka’ng ma-OK na kamo, nga di ka gusto’g gubot.  – DJ Jacky G

* * *

Kon gusto ka nga ma-feature sa DDJJG, i-like ang akong FB fanpage ug i-private message imong problema sa:  www.facebook.com/djjackyg  and follow me on IG:  www.instagram.com/djjackyg  Mapaminawan ko ninyo sa radyo matag 9-11am, Mon-Fri sa MOR 97.1 Lupig Sila! For Life!