_banat
^

Banat Kalingawan

Awit sa milagro

Sugilanon - Dodong Espanol - Banat

Alas singko i medya sa buntag. Samtang nagmaneho si Jessie sa Isuzu Cross-wind nga abuhon padulong sa dakbayan sa Sugbo, nakadungog siya’g hinagtok ug kotokoto sa ilawom sa sakyanan.

“Unsa man ron?” ni Sonia, iyang kapikas nga naglingkod tupad niya sa front seat.  “Sagbot tingale ron nga nipilit sa ligid” ni Jessie.

Apan gipawong niya ang stereo sa sakyanan aron matataw nila’g paminaw ang saba. Nagtinan-away ang magtiayon nga mga lolo ug lola na.

Gikan pa sila sa lungsod sa Carmen diin tua sila magpuyo. Maghatud sila sa ilang apo nga si Fiona sa eskuylahan. Natulog lang ang bata sa lingkuranan luyo sa drayber. Alas singko kinse sa ilang paggikan. Alas siyete i medya pa magsugod ang klase. Nisayo sila aron di magdali.

Grade 3 na si Fiona sa SDA Elementary School, atbang sa Kapitolyo. Di gustong mobalhin og eskuyla sa Carmen. Didto man siya’s dakbayan nakasugod og grade one. Ipon siya’s iyang lolo ug lola nga magtutudlo sa saring publiko sa baryo Pensanda ning dakbayan. Pag-retire nila niadtong bulan sa Mayo, namauli sila sa Carmen. Ang Papa Ramir ug Mama Mila ni Fiona, mga magtutudlo sab sa saring publiko. Apan tua sa Carmen naasayin.

Sa ilang pag-retire, nahimong drayber si Jessie sa apo, hatud kuha sa eskuylahan. Si Sonia, nahimong yaya sa apo, tig-atiman sa bata samtang tuas eskuylahan.

Nia na sila’s dakbayan sa Danao sa pagkadungog nila’s laing tingog sa sakyanan. Gipahunong ni Jessie ang sakyanan sa plasa Sto. Tomas Parish. Gilibut niya’g tan-aw. Wa gyud siya’y nakitang diperensiya sa sakyanan.

Unya nibagting ang kampana sa simbahan. Musical ang kampana. Nagtukar og relihiyoso nga awit nga nag-ulohan Amazing Grace. Nakamata si Fiona kay paborito niya ang maong sonata.

“Nganong niurong man ta, lo?” ni Fiona.

Nanaug sa sakyanan. Niduol sa iyang lolo nga nagbarog sa aseras.

“May gitan-aw ko sa sakyanan kay may nagtingog” ni Jessie.

“Adto na lang ta, lo. Kay nitukar man ang Amazing Grace. Mawala ra ang depekto sa sakyanan, lo. Kay ang Amazing Grace, awit sa milagro” ni Fiona. “Sigi. Tana maghinayhinay lang ta” ni Jessie.

Milagro gyud tinuod. Kay niabot na lang sila sa suki nilang karenderya (kan-anan og pamahaw) duol sa tunghaan ni Fiona. Wa na gyud nibalik ang tingog. Mapasalamaton sila. (Katapusan)

 

AMAZING GRACE ANG PAPA RAMIR APAN ELEMENTARY SCHOOL FIONA JESSIE SAKYANAN SILA
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with