^

Banat Kalingawan

Praktis og panguyab

Sugilanon - Alcea Maningo , Cangyan, Carmen, Cebu - Banat

Maanyag si Chona. Seksi. Nindot og lawas. Hamis og pamanit nga puti. Pang Miss Philippines iyang katahom. Maong gipangulitawhan ni Roger. Hilabihang lipaya niya. Kay gisugot dayon siya ni Chona. One click si Chona. Pag-ingon ni Roger nga “I love you, Chona” nitubag dayon si Chona og “I love you, too, Roger”. Nagluksolukso si Roger sa kalipay kay tininuod gyud iyang gugma ni Chona.

Unya dangta’g usa ka semana, nakit-an ni Roger si Chona sa mall. Daw wa kakita o wa kaila si Chona ni Roger.

“Hi, Chon! Nia man lagi ka?” ni Roger nga mapahiyumon.

Wa gyud mitagad si Chona niya. Gisaylohan lang siya sa dalaga. Sama sa wa hiilhi ni Chona. Wa hikit-i o wa hidunggi. Nakapangawot sa ulo si Roger. Nahibulong. Naghigwaos. Naguol.

Giteksan ni Roger si Chona aron mangayo’g katin-awan. Wa gyud ni reply.

Sa sunod adlaw, gibisitahan gyud ni Roger.

“Nganong wa man ka nitagad nako sa mall dihang nagkakita ta? Uyab ta o dili?” ni Roger.

“Dili!” pintok nga tubag ni Chona.

“Di ba gisugot na man ko nimo sa niaging semana?!” ni Roger.

“Praktis lang tong akong pagsugot nimo. Di to tininuod!” ni Chona.

Nakugang si Roger. Nakapanampong sa iyang baba. Wa katingog.

“Na-shock and surprised ka, unsa? Abi nimo’g lalaki ray kamaong mo praktis?” ni Chona.

“Unsay buot nimong ipasabot?”

“Gipraktisan man nimo og panguyab akong ig-agaw!”

“Ha? Kinsang ig-agawa?”

“Si Daphne!”

Nahinumdum si Roger ni Daphne. Namatikdan ni Roger nga may dakong gusto niya ang dalaga. Iyang gipangulitawhan sa niaging tuig. One click. Sugot dayon. Unya, pagkaugma wa na dayon tagda ni Roger. Nanabi pa siya’s iyang mga barkada nga one click si Daphne. Gipraktisan lang niya’g pangulitawo.

“Gipatilaw lang tika’s timplada sa imong kaugalingong tambal! Naghilak si Daphne nga nisumbong nako sa imong gibuhat,” ni Chona.

Nagminghoy ug huyhoy ang mga abaga ni Roger nga nanaug sa panimalay sa dalaga. (Katapusan)

ABI

CHONA

DILI

GIPATILAW

GIPRAKTISAN

PANG MISS PHILIPPINES

ROGER

SI DAPHNE

UNYA

  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with