PNP, AFP ug linemen nakadawat og insentibo sa Kapitolyo

CEBU, Philippines — Niabot ngadto sa 3,413 ka personnel sa Philippine National Police, Armed Forces of the Philippines ug linemen sa mga power distributor ang nakadawat sa ilang P5,000 nga incentive gikan sa Probinsiya sa Sugbo.

Ang maong incentive gihatag kagahapong adlawa diin adunay gipahigayong ceremonial turnover.

Niabot ngadto sa 2,609 ka PNP personnel ang nakadawat sa maong incentive nga nibalor ngadto sa P13,045,000 ang kinatibuk-ang kantidad ang nahatag; 99 ka personnel sa RCDG-7 personnel nikabat tanan ngadto sa P495,000 ang kinatibuk-ang kantidad ang nahatag;  31 ka personnel sa  53rd Engineer Brigade sa Philippine Army nga nikabat ngadto sa P155,000 ang kantidad nga nahatag ug 94 ka personnel sa AFP Task Group Cebu, Bohol, Siquijor diin P470,000 ang kantidad nga nagahin kanila.

Sa mga linemen, niabot ngadto sa 36 VECO ka personnel ang nahatagan sa insentibo diin P180,000 ang kiantibuk-ang kantidad ang nahatag; 165 ka personnel sa CEBECO 1 ug P825,000 ang kantidad nga nagahin kanila; 213 ka personnel sa CEBECO II diin P1,065,000 ang kinatibuk-ang kantidad ang ilang nadawat ug 166 personnel sa CEBECO III nga nikabat ngadto sa P830,000 ang kinatibuk-ang kantidad ang ilang nadawat.

Ang maong insentibo nagsilbi nga “token of appreciation” sa Kapitolyo sa maong mga personnel aron mapadali ang clearing operation, pagpasiga sa mga suga sa kabalayan ug rehabilitation effort sa probinsiya human sa pagkuso-kuso sa bagyong Odette niadtong Disyembre 16, 2021. BDB (BANATNEWS)