Mga ilegalista gibaharan sa kapolisan sa talisay
CEBU, Philippines — Gibaharan sa kapolisan sa siyudad sa Talisay ang mga nalambigit sa illegal nga drugas nga dili mohunong ang mga otoridad hangtud nga sila madakpan.
Nagkanayon si Police Lt. Col. Epraem Paguyod, pangu sa kapolisan sa Talisay nga kadtong indibidwal nga niapil sa maong illegal nga kalihukan mas maayo pa nga moundang na sila sa maong buhat.
Niadtong miaging weekend, moabot sa P3 milyones nga balor sa ilegal nga drugas ang nasakmit sa Drug Enforcement Unit (DEU) diha sa Barangay San Roque.
Tulo ka ilegalista ang ilang gipaslak sa bilangguan.
Asoy pa ni Paguyod nga sigurado nga apektado ang pagbaligya og drugas tungod sa maong pagkasikop apan dili sila mohunong tungod kay nagtuo siya nga duna pay daghan nga mga durugista.
Sa ilang operasyon, sikopon ang mga kriminal apan kung mosukol kini di sab sila magpanuko sa pagbuhat sa angayan nilang buhaton aron makapaneutralize kanila. (BANAT NEWS)
- Latest
