Gullas nihangop sa bag-ong schedule sa school calendar

CEBU, Philippines — Gikalipay ni Talisay City Mayor Gerald Anthony “Samsam” Gullas, Jr. ang pag- aproba ni Presidente Ferdinand “Bong-Bong” Marcos, Jr. sa bag-o nga schedule sa school calendar.

Sayo pa, si Marcos nisanong sa Hulyo 29 karong tuiga ngadto sa Abril 15 sa sunod tuig nga school calendar isip tubag sa hangyo nga ibalik sa naandan ang klase tungod sa grabe nga kainit nga nasinati.

Ang Dakbayan sa Talisay maoy usa sa mga lugar nga nisuspenso sa face to face nga klase gumikan  kay daghan sa tinun-an ang nakasinati og sunggo, nakuyapan ug nasakit tungod sa grabeng kainit.

Matud ni Gullas nga gihangop nila ang desisyon sa presidente ug sa maong paagi wala nay rason nga ilang isuspenso ang klase tungod sa kainiton.

Samtang si Konsehal Eduardo “Digul” Gullas III, chairman sa committee on education nagpasalamat sa gihimo sa presidente nga naminaw sa hangyo sa kadaghanan.

Dugang sa konsehal nga gitinguha nga mausab ang schedule sa klase kay siya nagtuo nga walay makat-onan ang kabataan sa kainit sa lawak saringan. — BDB BANAT NEWS