Grupong Alayon sa Talisay wa pay klarong kaatbang
CEBU, Philippines — Mingaw pa gihapon sa Dakbayan sa Talisay may labot sa kalihukan sa politika.
Si bise mayor Richard Francis “Choy” Aznar nitug-an nga naa man tuod siyay nadungog nga huhungihong nga moatbang sa ilang grupo apan wa pa gyud kini klaro kun si kinsa.
Si Aznar naa sa iyang una nga termino isip bise mayor ubos sa landong sa grupo nga Alayon nga gipangulohan ni mayor Gerald Anthony “Samsam” Gullas. Matud pa niya padayon ang iyang pagka maayong sundawo diha sa ilang grupong Alayon alang sa paghatag og serbisyo sa Talisaynon.
Si Aznar nahimong acting mayor human naospital si Gullas gumikan sa iyang gipamati sa lawas.
Siya nitataw nga dali ra ang trabaho sa mayor tungod kay han-ay naman ang opisina ni Gullas alang sa pag asistar sa Talisaynon nga nanginahanglan og tabang.
Si mayor Gullas mobalik na karong adlawa sa iyang trabaho isip mayor. — /MEL (BANAT NEWS)
- Latest
