Garcia motugot na sa pagpakuha og tubig sa Lungsod sa Carmen
CEBU, Philippines — Giplano ni Gobernador Gwendolyn Garcia nga libkason ang pagdili sa pagkuha og tubig gikan sa duha ka deep wells sa Lungsod sa Carmen.
Kini aron madugangan ang suplay sa tubig nga mahatag ngadto sa Metropolitan Cebu Water District (MCWD).
Nagnihit na karon ang suplay sa tubig sa MCWD ngadto sa mga konsumidor niini nga kasagaran mga residente sa Probinsiya sa Sugbo gumikan sa El Niño.
Gikan sa kasamtangang 35 milyones ka litro nga tubig matag adlaw gikan sa Luyang River sa Lungsod sa Carmen dugang 50 milyones ka litro sa suplay sa tubig matag adlaw ang mapaabot sa MCWD.
“We can start production from aning duha ka close nga pumps. Gi-cease and desist man na nako di ba? So we will justify it to lift the cease and desist in view of general welfare”, matud ni Garcia sa taho sa Capitol Information Office.
Ug kon malibkas na ang nahisgutang kamanadoan ni Garcia kaniadto ang Manila Water Philippine Ventures (MWPV) magsugod na sa pagkuha og tubig gikan sa duha ka deep wells.
Si Atty. Jose Daluz III, chairman sa MCWD nihangop sa plano ni Garcia hilabina sa padayon nga problema karon sa water district sa suplay sa tubig tungod sa huwaw.
“We will have additional water, hopefully around 6 or 7 thousand cubic meters. We’re working on it, gipangita gyud na ni Governor Gwen nga adunay additional water”, matud ni Daluz kinsa nitambong sa tigom nga gipatawag sa gobernadora niadtong Abril 22, 2024 diin uban niya si Edgar Donoso, general manager sa MCWD. BDB BANAT NEWS
- Latest
