LWUA niinstolar og laing OIC manager sa MCWD

CEBU, Philippines — Human sa nahitabong kasamok sa Metropolitan Cebu Water District, ang Local Water Utilities Administration (LWUA) Interim Board of Directors niinstolar kang Atty. Joselito Thomas Baena isip interim officer-in-charge general manager sa MCWD.

Si Baena ang unang nainstolar isip parte sa interim board of directors niadtong Abril 18, 2024 human ang laing abogado nga gitudlo sa LWUA administrator nga si Manolette Fel Dinsay nagpakyas sa pag-asumir sa posisyon.      

“To ensure the continued and unhampered operations of MCWD during the implementation of LWUA Board Resolution No. 35, Series of 2023, it is necessary to appoint an additional member of the IBOD”, tipik sa resolution 14 series of 2024 sa interim board.

Sa laing resolsuyon sa IBOD ang designation ni Baena isip OIC general manager sa MCWD ubos kini sa 90 ka adlaw nga preventive suspension ni Edgar Donoso.

Sayo pa, ang IBOD niinstolar kang Atty. John Dx Lapit apan niluwat dayon kini sa maong katungdanan alang sa iyang pamilya ug giingong dili kini gustong magamit sa politika.

Isip OIC manager, si Baena pwedeng makatudlo og mga kawani sa MCWD ug gitugotan nga makabalhin og personnel apan ang appointment sa mga empleyado ubos sa supervisory/managerial position kinahanglan kini og confirmation sa IBOD.

Si Baena gitugotan usab sa pagpirma ug pagpatuman sa tanang financial documents lakip o dili lang limitado sa bank account application, signature cards, pag-disburse og tseke, withdrawals, transfer of funds, ug tanang bank transactions.

Ang OIC general manager gilaoman usab nga makiglambigit og regular nga komunikasyon tali sa IBOD, mohatag og updates sa operasyon sa MCWD, initiatives, ug bisan unsa nga kauswagan alang sa ilang konsumidor ug kinahanglang motuman kini sa mandato tanang direktiba nga giisyu sa IBOD sa MCWD.

Gawas niini, si Baena ubos usab kini sa mandato sa sigurong pagtuman sa mga hangyo sa IBOD alang sa pag-turnover sa mga dokumento diin ang kanhi general manager nga si Donoso wala makatuman niini.

Si Baena nidawat sa hagit ug naglaom kini sa pag-estabilisar sa sitwasyon sa MCWD. The Freeman