Moluwas unta sa iro, na-trap sa sunog

CEBU, Philippines — Nakalas ang usa ka 79-anyos nga lola sa nahitabong human wala na kini nakagawas nasunog nila nga balay human kini mibalik kay luwason unta ang ilang iro diha sa Sitio Media, Barangay Poblacion Lungsod sa Argao kagahapon, Abril 20, Sabado.

Ang namatay mao si Carmelita Montejo, 79 anyos ug residente ra usab sa naasoy nga dapit.

Matud ni Fire Officer 3 Michael Angelo Rodriguez sa Argao Fire Station ang balay nga gipuy-an sa nakalas maoy nasunog ug dunay nag-ingon nga gasugod sa kwarto ang kayo hinoon ilaha pa kining i-verify.

Pasado alas-11 sa buntag kagahapon dihang nadawat sa kabomberohan ang alarma sa sunog.  Nahibaw-an nga kuyog sa apohan ang iyahang tulo ka mga apo dihang nahitabo ang sunog.  Naluwas ang ang tulo ka mga apo sa biktima ug base sab sa mga witnesses nga naestorya sa kabomberohan nakagawas na unta ang biktima apan giingong nibalik kini sa nasunog nga balay kay gibalikan niya iyang mga iro.

Gipugngan pa unta kini sa iyang duha ka mga apo.

"Wala na gyud siya kabalik kay structure mostly light materials, mix siya pero mostly sa built sa materyales sa balay kanang karaan nga mga materyales," sigon ni Rodriguez.

Ang iro nga giluwas sa biktima wala sab makagawas ug apil sa nakalas.

Wala pa ma determinar kung unsay hinungdan sa sunog nga midanyos og P171,000.

Ang inahan sa mga bata naa sa siyudad nag trabaho. IBM BANAT NEWS