Mga residente sa lima ka barangay  pasul-ubon og face mask

CEBU, Philippines — Mga residente sa lima ka barangay sa lungsod sa Minglanilla gitambagan nga magsuot og facemask tungod sa makadaut nga aso gikan sa nasunog nga landfill sa Barangay Tapul sa Dakbayan sa Talisay niadtong Lunes hangtud kagahapon.

Ang aso sa maong nasunog nga landfill niabot sa Barangay Linao, Cuanos, Tubod, Vito ug Pakigne.

Si Mayor Rajiv Enad miingon nga bisan puti ang aso, dili kini kakumpiyansahan kay posibleng moulbo og balik ang sunog tungod sa kainit sa panahon.

Nitambag ang mayor nga magpabilin lang sa sulod sa pinuy-anan, mag gamit og face mask ug eye glassess kung kinahanglan gyud nga mogawas, inom og daghang tubig tungod sa aso. Gusto sab ni Enad nga monitoron ang kabataan ug mga edaran ug kung pananglit adunay masinati nga sakit sa mata, lisod ang pagginhawa ug uban pa mas maayo nga mokonsulta sa doktor.

Ang mga apektado nga mamasurahay nga mao ang panginabuhian ang gitagaan og ayuda sa kagamhanan kay ang basura mao man ang ilang panginabuhian. (BANAT NEWS)