Armado nakigpinusilay sa polis

CEBU, Philippines — Samdan ang usa ka 52-anyos nga lalake human kini gikatahong nakigpinusilay sa mga nirespondeng polis diha sa Barangay Bugtong Kawayan, Lungso sa Barili sa miaging adlaw.

Ang suspek nga si Bernie Aldojesa Ponsica, construction worker ug residente sa Barangay Bugtong Kawayan, Lungsod sa Barili.

Base sa imbestigasyon, gi-alarmahan sa Barili Police Station ang suspek human sila nakadawat og taho mahitungod sa armadong lalake.

Apan pag-abot sa mga polis giingong nakigpinusilay hinuon kini hinungdan nga siya napusilan sa mga polis diha sa iyang tiil.

Daling gidala sa Barili District Hospital ang maong lalake ug na-recover sa kapulisan gikan sa suspek ang usa ka .357 revolver nga armas ug lima ka bala.

Kasong kalapasan sa Republic Act No. 10591 kun Comprehensive Firearms and Ammunition Regulation Act ang ipasaka batok sa suspetsado. IBM BANAT NEWS