Lima ka brgy sa Talisay napaubos sa training pagtubag sa kalamida

CEBU, Philippines — Lima na ka barangay sa Dakbayan sa Talisay ang nabisita sa mga sakop sa Talisay City Disaster Risk Reduction and Management Office CDRRMO ug gibansay alang sa pag atiman sa mga apektado sa nagkalain-laing kalamidad.

Si Joel Sisa, pangu sa operation sa CDRRMO nagkanayon nga ang barangay maoy frontliner sa katawhan diin sila ang mag una sa paghatag og tabang sa mga nagkinahanglan.

Matud pa ni Sisa angay lang nga sila tudloan sa mga pamaagi sa paghatag og taas nga pasensya sa apektadong pamilya sa masinate nga kalamidad.

Asoy pa niya nga sud sa 22 ka barangay sa Talisay lima na ang ilang nasuroy ug gipangbansay.

Sa nasayran ang Talisay adunay duha ka mga dagko nga panghitabo ning bag-o lang nga mao ang sunog sa Barangay Poblacion ug Cansojong.

Nagtuo si Sisa nga ilang mahurot sa pagsuroy ug pagbansay ang tanang barangay sa Talisay aron tudloan sa angay nga buhaton sa paghatag og pag asistar sa katawhan.  (BANAT NEWS)