70 mil ka botante nareshistro sa Comelec
CEBU, Philippines — Niabot ngadto sa 70, 970 ang narehistro nga botante sa Commission on Elections (Comelec)-7 alang sa eleksiyon sa Mayo sa sunod tuig.
Ang maong mga aplikasyon natala gikan niadtong Pebrero 12, 2024 nga unang adlaw pagbalik sa pagpangrehistro sa mga botante.
Base sa datos sa Comelec-7, pinakadaghan nga nagparehistro ang sa Sugbo nga niabot ngasto sa 48, 590 gisundan sa Negros Oriental nga niabot ngadto sa 13, 184 ang nagparehistro, sunod ang Bohol nga adunay 7,600 ug Siquijor nga adunay 1, 596.
Sa maong datos mas daghan sa mga nagparehistro ang mga babaye nga niabot ngadto sa 35,683 samtang 35,287 ang lalaki.
Sa ikatulong semana sa pagbukas og balik sa pagpangrehistro, ang Comelec nakatala og 19, 773 diin 2,124 niini sa Bohol; 13, 366 sa Sugbo; 4,032 sa Negros Oriental ug 251 gikan sa Siquijor.
Gibalik sa Comelec ang pagpangrehistro sa mga botante niadtong Pebrero 12, 2024 ug hangtud kin isa Septiyembre 30 karong tuiga isip kabahin sa pagpangandam sa umaabot nga Mayo 12, 2025 lokal ug national election. (BANAT NEWS)
- Latest
