BIR nagtinguha nga malabwan pa ang ilang target nga koleksiyon

CEBU, Philippines — Gilaoman sa Bureua of Internal Revenue RDO 81 Cebu City North District Office nga malabwan pa nila ang nakolekta nilang P17 bilyones nga maoy target nila aron makatabang sa gitinguha nga P4 trilyones nga target tax collection karong tuiga subay sa paglusad nila sa programang sa  Tamang Buwis Pag-asenso y Mabilis".

Bisan og sa buwan pa sa Abril niining tuiga ang deadline sa pagbayad sa buhis apan karon pa lang giawhag na sa BIR ang mga magbubuhis sa pagbayad sa ilang obligasyon aron dili mahasol.

Gawas sa linawas nga pag-file mamahimo usab nga ipaagi sa electronic filing ug gani adunay e-lounge ang buhatan sa BIR diin pwede adto na mo-file ang magbubuhis diin adunay staff sa BIR ang motabang kanila aron mas mapasayon ang serbisyo.

Kini ang gipadayag ni Nicanor San Juan, assistant district revenue officer RDO BIR No. 81 Cebu City North.

Gipahibalo usab sa BIR nga mamahimong ipahigayon ang binuwan nga pag-file alang sa Value Added TAX aron dili matingob ug dili bug-at ang trabaho.

Gilaoman sa BIR nga makakolekta og igong buhis alang sa mga proyekto sa kagamhanan nga mapahimuslan sa tanan.    BDB BANAT NEWS