Comelec nakig-alayon sa duha ka tunghaan alang sa RAP
CEBU, Philippines — Nakahatag og kasayon sa mga kalipikadong botante ang gilusad sa Commission on Elections nga mao ang (Comelec) Registration Anywhere Program (RAP).
Ang maong programa sa comelec naghatag og kahigayonan sa mga kalipikadong botante nga dili na mopauli sa ilang tagsa tagsa ka lugar aron magparehistro.
Una kining gilusad niadtong Pebrero 27, 2024 diin didto gipahigayon sa University of San Carlos, Talamban campus ug kagahapon gihimo kini diha sa Cebu Doctors University sa siyudad sa Mandaue.
Ang Education and Information Department sa Comelec national office maoy nangulo sa paglusad niini diin gihimo nila ang pagpasabot kabahin sa maong programa.
Apil na ang voting process, election laws ug uban pa nga mga topic nga ilang gituki aron pag-edukar sa mga tinun-an labot sa katungod sa pagbotar.
Niining tuiga ang Comelec Central Visayas nakiglambigit sa duha ka mga unibersidad sa Sugbo alang sa RAP ug voter's education. (BANAT NEWS)
- Latest
