Duterte: Kinahanglang monaog si BBM sa 2028

CEBU, Philippines — Liboan ka tawo nga nisalmot sa Prayer Rally for Transparency, Accountability, Peace and Security sa nasud kinsa nisinggit-singgit og “Duterte” dihang gipahibalo sa television host nga si Willie Revillame ang ngalan ni kanhi presidente Rodrigo Duterte aron ipahigayon ang iyang kapin sa usa ka oras nga pakigpulong.

Si Duterte kinsa kalmado kaayo sa iyang pagsulod sa entablado nisulti sa mga tawo sa pagpauli tungod kay ang uban nanambong kini sa buntag ug nagpabilin sa gabii.

Nilanat ngadto sa kapin sa usa ka oras ang gipahigayong pakigpulong ni Duterte.

Sa maong rally wala mosaway o mamasangil kang Presidente Ferdinand “Bongbong” Marcos, Jr. si Duterter sukwahi sa Davao Prayer Rally diin gipasanginlan niini ang presidente nga drug addict.

“Si Bongbong maayong tawo. Wala ko’y problema kang president. Tinuod lang suportado nako kay buotan og ikomparar sa ako. He is very dignified, respectful, humble bisan kaniadto pa dili pa na presidente, mapagkumbaba”, matud ni Duterter.

Matud ni Duterter nga angayan nga komportable si Marcos ug kontento sa iyang nahimutangan karon ug mokanaog sa iyang katungdanan sa kataposang adlaw sa iyang pagka-presidente sama sa iyang gihimo dihang natapos ang iyang termino niadtong 2022.

Gipadayag ni Duterter nga dili siya supak sa Charter Change basta dili makabenepisyo niini ang kasamtangang naglingkod nga presidente ug ang modaog sa umaabot nga eleksiyon. “I would support any changes in the Constitution that would enhance, improve or whatever would make the Filipinos happy. I am for it walay problema basta wala lang mosulod nga vested interest nila”, ni Duterte pa.

Isip amahan, si Duterte sayo nga nangampaniya alang sa iyang anak nga si Bise Presidente Sara Duterte.

“Og moabot man ang panahon ug motugot ang Ginoo ang akong anak kinsa man sa ila pero tan-aw nako si Inday og naa siya’y ambisyon og unsang position nga national suportahi lang ninyo. Basin baya Bisaya man gihapon na, kaliwat gihapon og Cebu”, matud sa kanhi president sa nasud.

Si Atty. Si Irene Caballes, lead convenor sa Cebu Coalition for Transparency, Accountability, Peace and Security sa nasud nangangkon nga dul-an sa 30,000 ang nisalmot sa maong rally nga dakong kalamposan bisan pa nga nag-uwan-uwan. The Freeman