^

Banat Balita

Gidumbol-dumbol

Decemay P. Padilla - Banat

CEBU, Philippines — Gipadakop sa usa ka 19-anyos nga babaye ang 28-anyos nga lalake nga kasakay niini sa modern jeep kay matud pa ang kinatawo sa lalake iyahang tuyuon og bag-id sa iyang lubot samtang sila nagbarog sa pasaheroan kagahapon sa buntag, Pebrero 26, 2024.

Sigon ni Police Corporal Krizia Carol Regudo, imbestigador sa Inayawan Police Station nga ang biktima ug ang suspek nagdungan og sakay sa modern jeep gikan sa Dakbayan sa Talisay.

Tungod kay wala na’y kalingkuran nagbarog ang biktima ug ang suspek nga nagtrabaho sa usa ka mall.

Ang biktima naa sa atubangan samtang ang suspek naa sa likod niini. Apan natingala matud pa ang babaye nga dunay gahi nga butang magsige og dumbol-dumbol sa iyang lubot samtang nagdagan ang pasaheroan.

Wala ra kini gitagad sa biktima sa pagtuo nga basin og resulta kini sa pagsige og brake sa ilang gisakyan ug tungod sa kahuot kay daghang pasahero mao nga ingon adto ang nahitabo. “Sige siya og gidumbol, natingala siya nganong sige man og dumbol nga kaingon siya tungod ra sa pag brake sa sakyanan pero wala naman gasige og brake ang bus unya gasige man gihapon og dumbol, mao to gasige siya og likay-likay, ang suspect mosunod man gihapon niya,” sigon ni Regudo.

Nangita matod pa biktima og pabor nga makahunat aron hakpon ang kinatawo sa lalake. Pag-abot sa Kinasang-an nakakita og patrolcar sa dalan ang babaye ug dihadiha gidakop niini ang mapangahasong atubangan sa lalaki. Nag-wild matod pa ang lalake maong nagubot sulod ug nahunong ang bus. Ang babaye daling nangayo og tabang sa mga polis hinungdan nga kini gidakop.

Mirason matud pa ang suspek nga wala niya tuyoa ang pagsige og dumbol, gipasanginlan niya ang pagsige og brake sa bus maong nagbag-id-bag-id niya ang iyahang kinatawo sa lubot sa biktima.

 “Ang biktima morason man pud nga lahi gyud nga dili, nganong man to bi bisan wala ga brake ang bus gasige gihapon siya og dumbol-dumbol, bag-id-bag-id sa iyahang kinatawo sa may sampot, naabot nalang paa, bat-ang dapit?”, ni Regudo pa.

Nasayran ang biktima tinun-an sa usa sa mga eskwelahan sa siyudad sa Sugbo samtang ang suspek trabahante sa usa ka mall.

Desidido matod pa mopasaka og kasong Act Lasciviousness ang biktima batok sa suspek sanglit dili siya buot nga mausab pa ang ingon ani nga panghitabo. (BANAT NEWS)

vuukle comment

CRIME

Philstar
x
  • Latest
Latest
Latest
abtest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

Get Updated:

Signup for the News Round now

FORGOT PASSWORD?
SIGN IN
or sign in with