Shabu nga nasakmit sa Central Visayas gikan sa laing lugar

CEBU, Philippines — Gibarogan sa Police Regional Office (PRO)-7 nga walay shabu laboratory dinhi sa rehiyon. Tanang mga nasakmit nga shabu sa mga malampusong buy-bust operations gikan kini sa laing lugar.

Sa nakalabay nga tulo ka adlaw, ang nagkadaiyang police stations ug special units sa PRO-7 milusad og Simultaneous Anti-Criminality Law Enforcement Operations (SACLEO) sa ilang mga hurisdiksyon gikan sa Pebrero 16 hangtod sa petsa 18. Miresulta kini sa pagkasakmit sa moabot sa P28.8 milyones nga balor sa ilegal nga drugas.

Apan matud pa ni Police Lieutenant Colonel Gerard Ace Pelare, tigpamaba ni PRO-7 Regional Director Brigadier General Anthony Aberin, kini tanang mga nasakmit nga ebidensiya dili hinimo dinhi sa rehiyon.

 “Sa atong custodial debriefing sa mga suspect, sa pag-analyze nato sa facts and circumstances and of course sa atong intelligence exchange sa PDEA ug sa ubang intelligence community nagpabilin nga ang atong supply gikan sa laing lugar unya ilang giagi diri by various transportation modes.

Gawas nga walay shabu laboratory diri sa rehiyon wala sab matud pa mga bodega sa shabu tungod kay tanan gi-order pa gikan sa gawas sa Sugbu.  Niadto lang adlaw nga Lunes, nasikop sa mga sakop sa Philippine Drug Enforcement Agency Central Visayas uban sa PNP Regional Intelligence Unit-Cebu Intelligence Team lakip ang CCPO Station 6 sa may Sitio Mangga, Barangay Calamba ning Dakbayan sa Sugbo ang tulo ka mga lalaki suds a usa ka drug den.

Ang nasikop mao ang tigmentinar sa drug den nga si Eduardo Talingting, 51, Edlin Caballes,41, ug Constantino Bunal III, 38.

Nasakmit gikan sa mga dinakpan ang siyam ka putos sa gituohang shabu nga motimbang og 11.6 gramos ug uban pang ebidensiya.

Samtang sa Lapu-Lapu City, kapin sa P500 mil nga kantidad  nga shabu ang nasakmit sa maong tulo  ka adlaw  nga SACLEO.—  Romeo Limpangog IBM BANAT NEWS