Lima  ka out-of-town contingents moapil sa Sinulog Grand Parade

CEBU, Philippines — Lima ka out-of-town contingents ang moapil sa Sinulog Grand Parade karon tuiga, kini ang gibutyag sa executive director sa Sinulog Foundation Inc. Elmer  Jojo  Labella.

Matud pa ni Labella lakip sa moapil mao ang gikan sa Dumageute ug Canlaon sa Negros Oriental, San Jose sa Dinagat Island og uban pa.

Ang mga moapil mao ang Dumaguete s Sandurot Festival, Canlaon s Pasayaw Festival, ug San Jose Tribu Kamanting Performing Arts Guild ang mopakita sa ilang mga talento atol sa Sinulog Grand Parade.

Dugang pa ni Labella aduna usab nikonpirmar isip guest performers nga mao ang South Korea ug Maskara Festival sa Bacolod City.

Nagpadayon pa ang Sinulog Foundation sa ilang pakig-alayon sa ilang gipang-imbitar nga tinguha nga moapil apan gikonsiderar lang usa nila ang logistics nga gamiton.

Gipaabot ni Labella ang 30 ka contingents nga magtigi sa ritual showdown diin dili mominos 23 niini gikan sa Dakbayan sa Sugbo.

Malaumon si Labella nga ang contigents gikan sa Cebu Province mo compete karon tuiga sa sinulog grand parade.

Samtang si Cebu City Mayor Michael Rama mihimo og inspection sa venue sa Sinulog diha sa South Road Properties.

Malaumon ang mayor nga dili pa moabot ang sinulog mahuman na ang maong dapit tungod kay matud pa paspas ang trabaho niini.

Gipasalamatan usab sa Mayor ang mga trabahante kay 24oras ang ilang operation aron masiguro nga mahuman ang tanan, sama nalang sa grandstand nga napabarug na gamit ang mga puthaw ug gipaabot nga ihaklap nalang ang mga galvanized iron sheets.

Gipasalig ni Rama nga luwas ang mga contingents nga mo perform ug ang mga tawo nga mosaksi sa Sinulog sa SRP.

Imontar usab ang duha ka mini hospital sa SRP og 25 usab ka help desk nga pagadumalaon sa CCDRRMO ug DOH. (BANAT NEWS)