^

Banat Balita

Duha ka venue sa sinulog gipilian

Caecent No-ot Magsumbol - Banat

CEBU, Philippines — Mag-usa ka bulan nalang, magselebrar na usab ang Dakbayan sa Sugbu sa nabantog nga Sinulog Festival dungan ug pahinungod sa pangilin sa Balaang Batang si Senyor Sto. Niño sa bulan sa Enero.

Tungod niini, ang siyudad sa Sugbu nagsugod na sa pagpamutang og balik sa mga nagkadaiyang bleachers para sa mga manan-away sa Sinulog Showdown diha sa gihapon sa South Road Properties.

Gihimo kini bisan pa man og adunay mga sugyot nga mga alternatibong rota ug venue para niini sugod pa sa preparasyon sa nakalabay nga Sinulog Festival 2023 nga miani sab og mga pagsaway kay daghan ang dili ganahan.

Kahinumdoman nga ang Sinulog Festival 2023 mao pa sukad sa kasaysayan nga daghan sa mga contingents, diin kasagaran sa mga partisipanteng kalungsoran sa probinsya sa Sugbu ang miatras tungod sa isyu sa kaluwasan sa contingents tungod sa kainit, di matagnang lakaw sa panahon ug uban pa.

Mismo si Gobernador Gwendolyn Garcia, kinsa kada tuig mohalad og sayaw kauban ang piniling contingent gikan sa kalungsoran, mi-backout.

Hinuon bisan pa sa maong mga pagduhaduha nahuman sa kontraktor ang venue ug milampos gihapon ang kalihokan.

Karong mga higayona, gihinayhinayan na og pagpabarog og balik ang stage para sayawan sa mga contingents, samtang ang uban nagtaud na balik sa mga bleachers sa rota aron didto makatan-aw ang mga tawo sa street dancing competition.

Si Garcia subling namahayag nga mohatag og lalawigan og P20 milyones sa Sinulog Foundation Inc., karong sunod Sinulog kun ibalik sa karaang venue nga mao ang Cebu City Sports Center ang showdown.

Si acting mayor Raymond Garcia kinsa miinspeksyon sa gitrabaho sa SRP venue misusi sab sa   CCSC, ug base sa iyang nakita siya miingon: “the more logical and more practical” venue for the SRP.” Apan ang CCSC kasamtangan pa karong gipaubos sa major renovations.

Karong adlawa, dunay himuong ‘walk-through’ sa laing venue para sa Sinulog.

Si City Councilor Philip Zafra sa interbyu sa The Freeman sa iyang bahin miingon nga dako kaayo ang problema kun anha sa CCSC himuong ang showdown tungod kay hagip-ot na kaayo karon ang Osmeña Blvd. nga diin moagi ang contingents pasud sa venue.

Kini tungod sa nagpadayon pang konstruksyon sa Cebu BRT project, apan duna siyay laing sugyot nga posibleng himuong rota. “Just in case mahuman ang rubberized oval or bisan dili mahuman kay di man na gamiton…Parade lang, pero adto ang converging or assembly sa Carreta, then Imus straight na ta to P.Del Rosario nya adto na ta sa Sports Complex (Cebu City Sports Center,” matud ni Zafra.

Ang mga partisipante anha mosulod sa entrada sa complex sa atubangang bahin sa ACT ug adto mo- exit sa R.Landon Street.

Gipangutana sab ni Zafra si SFI Executive Director Jojo Labella kun unsa kadugay ang pagtukod sa center stage diha sa CCSC lakip ang desinyo niini. —sa The Freeman/IBM (BANAT NEWS)

vuukle comment

SINULOG

Philstar
x
  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with