Barangay Poblacion sa Talisay magpahigayon og night market
CEBU, Philippines — Sugdan ang night market sa Barangay Pobalcion, Dakbayan sa Talisay sugod sa sunod semana matud ni Kapitan Edward Alesna.
Si Alesna nagkanayon nga kong mahan-ay na nila ang kasabotan tali sa mga manindahay sugdan sa sunod semana ang night market diha sa nahisgutang lugar.
Giklaro ni Alesna nga ilahang tugotan ang mga mamaligyaay og lechon, barbeque, prutas ug uban pa nga makabaligya diha sa atbang sa simbahan ni Sta. Teresa de Avila.
Magsugod ang ilang display sa mga baligya sa alas 4:00 sa hapon hangtud sa alas 12:00 sa tungang gabii.
Ang night market molanat kini hangtud sa Enero 2 sa sunod tuig.
Ang mga manindahay tugotan nga makabaligya aron sa paghatag og higayon sa nagsingabot nga pasko.
Makita usab ang nightly activity sa Barangay Poblacion diha sa Plaza niini.
Ug nabantayan nga hapit na mahuman ang Christmas decoration sa plaza nga giporma og susama og carousel carnival ride. (BANAT NEWS)
- Latest
