^

Banat Balita

Bulletproof nga sakyanan kinahanglan gyud-Rama

Caecent No-ot Magsumbol - Banat

CEBU, Philippines — Miinsister si Cebu City Mayor Michael Rama nga gikinahanglan gyud nga mopalit ang siyudad og bullet-proof nga sakyanan para sa mayor, dili para niya lamang kondili para sab sa mosunod unya nga mga mayor sa siyudad.

Si Rama mibutyag nga sa pagkakaron, duna kini duha ka sakyanang gigamit nga bullet-proof, apan kining tanan dili iyaha nga unang gipahibalo ni Konsehal Noel Wenceslao.

Ang usa pinahuwam lang ug ang usa ordinaryo lang nga sakyanan nga gi-convert nga bulletproof apan daghan siyang nakitang mga apan dili na kasaligan.

Nasayod si Rama nga daghan ang moisa gyud ang kilay aning iyang hangyo sa konseho nga gahinan og pundo ang pagpalit og bulletproof nga sakyanan.

Hinuon giklaro sa mayor sa igsuong pamantalan sa Banat News nga The Freeman nga tinuod nakaabot siya aning mga panahon sa kadugay na niyang panerbisyo, apan sa pagkakaron dili na maayong mokumpiyansa.

 “I would like to be very clear, I have survived, and I have survived..but dili lang ta mukumpyansa..kay naa naa ra bay giingon nga uwahi na ang pagbasol,” matud ni Rama.

Ang bullet-proof nga sakyanan dugay nang gituki sa mga mayor sa tibuok nasud tungod sa mga sagunson nga ambush sa mga lokal nga opisyal.

“And I should know this because I am the president of the League of Cities in the Philippines..Been a president of the Vice Mayor’s League and we have discussed this in the Liga ng mga mayor sa tibuok Pilipinas, regarding the safety of Mayors in the entire country,” pagpasabot pang Rama. Wala hinuon mobutyag ang mayor kun duna siyay nadawat nga mga death threats apan dili ikalimod nga dunay mga kamandoan ang mayor nga makabutang kaniya sa peligro sama sa kampanya kontra kurapsyon ug ang demolisyon sa mga namuyo daplin sa kasapaan.

 Giawhag ni Rama ang mga Sugbuanon nga iapil kini sa ilang mga pag-ampo aron makapadayon siya sa pagserbisyo. Gipahibalo sab niya nga iyang gilugwayan ang iyang  bakasyon sa dili pa ang Pasko. The Freeman

vuukle comment

MICHAEL RAMA

Philstar
x
  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with