Mayor Rama nimando sa pagtangtang sa duha ka skywalk

MANILA, Philippines —  Subling gipadayag ni Cebu City mayor Michael Rama ang iyang tinguha nga matangtang na ang mga skywalk nga naa mahimutang dapit sa Cebu Bus Rapid Transit diha sa may Jones Avenue.

Ang mayor nipasidaan sa CRBT Project Managers nga siya personal ang

motangtang sa duha ka skywalks kung anaa pa kini atol sa iyang pagbalik gikan sa iyang pagbakasyon.

Nabalaka si Rama sa kalangay sa trabaho sa CBRT diha sa may Osmeña Blvd lakip

na niini ang clearing sa skywalks nga posibleng makaapektar na hinoon sa rota sa procession sa fiesta señor sa sunod nga tuig.

Malaumon ang mayor nga imintinar sa nag organisar sa fiesta ang karaan nga rota sa mga procession.

Hinuon si Konsehal Rey Gealon ang pangulo sa Traffic Management Committee nibutyag nga nakaabot na sa ilang buhatan ang pagpangandam sa BRT Management

alang sa pag demolish sa duha ka skywalks. Sumala pa ni Gealon, hugot ilang tambag nga kinahanglan mokuha usa sila og pagtugot sa TMCC alang sa ilang work

permit aron ang Cebu City Transportation Office makahimo og traffic management plan sa mga apektado nga dapit ug mabutangan usab og tukma nga gidaghanon sa

traffic enforcers lakip ang pagpahimutang sa mga sakto nga directional signs. Gidasig usab ni Gealon ang mga motorista og pasahero nga mohimo og mga

alternate nga agianan padulong sa ilang tagsa-tagsa ka mga destination, mobiyahe og sayo aron makalikay sa rush hour nga traffic.

Angayan usab ikonsiderar ang motorpooling uban sa mga kauban sa trabaho o  schoolmates ug uban pa nga mga pamaagi. (CEBU NEWS)