Pista sa San Nicolas de Tolentino gidagsaan
CEBU, Philippines — Gidagsa sa mga magtutuo ang Archdiocesan Shrine of Saint Nicolas of Tolentino, nonot sa pagsaulog sa ika 439th Fiesta Celebration ni San Nicolas diha sa Barangay San Nicolas Proper, kagahapon adlaw nga Domingo.
Nangulo sa Pontifical Mass si Auxiliary Bishop Ruben Labajo,D.D ang Team Moderator sa Team of Pastor sa Santo Rosario Parish uban sa mga kaparian sa Archdiocese of Cebu.
Atol sa pagpaambit sa wali ni Labajo kini nibutyag ngadto sa mga magtutuo nga kung adunay magpasakit kanila ug estorya mas maayo hinabion kini sa ilang sayop nga sila lang ug walay daghan nga maminaw.
Kung adunay mga kasipyatan ang ilang isigkatawo mas maayo duolon kini ug sultihan sa iyang kamot aron dili mosangpot sa kalagot lakip na unya ang pagdumot.
Ang obispo Auxiliar niawhag sa katawhan nga dili angay dalhon ang ilang kalagot sa social media ug dili maningil sa utang sa social media tungod kay dili lang ang kaugalingon ang nauwawan ilabi na usab ang gi post. Si Labajo, nitug-an nga ang social media gamiton sa paghatud sa maayong balita ug dili lang tungod sa tsismis, angay nga mapadangat sa katawhan ang kamatuoran ug tinuod nga makapadasig ug makapahupay ug makatabang sa gibati sa ubang katawhan.
Ang Centuries-old Venerable Image sa Señor San Nicolas de Tolentino, gideklarar usab nga city important cultural property sa Cebu City pinaagi sa pagbasa sa SP City Resolution No. 16-1384 series of 2022.
Ang City Resolution gibasa atol sa misa subay sa kapistahan ni San Nicolas. — /MEL (BANAT NEWS)
- Latest
