^

Banat Balita

Supervisor sa usa ka tindahan nangawat sa ilang halin

Gabriel C. Bonjoc - Banat

CEBU, Philippines — Gidakop ang usa ka supervisor sa dakong tindahan human siya gitudlo nga maoy nikawat sa ilang kita nga nibalor og tunga sa milyon ka pesos.

Ang supervisor nga giila nga si Erwin Bayno nagtrabaho sa tindahan nga nahimutang sa Barangay Dumlog, Dakbayan sa Talisay.

Base sa kuha sa CCTV sa tindahan, makita ang cashier nga nag atiman sa mamalitay ug dihang nimingaw na makita sa footage nga adunay gikaestorya ang cashier sa iyang cellphone.

Nasuta nga si Bayno ang nanawag sa cashier ug nimando nga pasak-on kini sa ikaduhang andana sa tindahan aron mag inventory.

Sa pagsaka sa cashier, usa ka lalaki nga naka itom og jacket nga naka motorsiklo ang dali nga nisulod sa tindahan ug nilahos sa gibutangan sa kwarta dayon sibat sakay sa motorsiklo.

Matud pa ni Police Lt. Col. Randy Caballes, hepe sa kapolisan sa Talisay nga ang lalaki nga nikuha sa kwarta mao ang supervisor.

Asoy pa niya nga niabot ang kantidad sa kwarta og P500,000 ug halin pa kini nila gikan sa adlaw nga Sabado ug Dominggo.

Si Bayno pa mismo ang nilain sa kwarta nga wala gisulod sa vault.

Ang mga gwardya sa tindahan nidakop sa suspek uban sa mga saksi.

Asoy pa ni Caballes nga niangkon rasab si Bayno sa iyang nabuhat nga pagpangawat.

Gipasakaan og kaso ang suspek apan nakapyansa rasab dayon kini og P100,000.

Giingon nga dako og utang ang suspek gumikan sa iyang pagkaungo sa online nga sugal. (BANAT NEWS)

vuukle comment

STORE

Philstar
x
  • Latest
Latest
Latest
abtest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

Get Updated:

Signup for the News Round now

FORGOT PASSWORD?
SIGN IN
or sign in with