Kabahin sa mental health tutokan sa outstanding youth sa Cebu City
CEBU, Philippines — Ang pagsabwag sa iyang adbokasiya nga adunay kalabotan sa mental health usa sa hatagan og pagtagad sa grand winner sa 1st Kadaugan Sa Kabatanonan -Search for Most Outstanding Youth of Cebu City nga gipasiugdahan sa kagamhanan sa Siyudad sa Sugbo pinaagi sa Cebu City Youth Development Commission (CCYDC).
Ang napiling most outstanding youth mao si Jade Matuguinas, nursing student ug residente sa Barangay Apas.
Si Matuguinas aktibo kayo sa sa pagsalmot og relief operations sulod na sa taas nga katuigan.
Nakasalmot usab siya sa Voluntary Blood Donation Program ug ubay-ubay ang iyang nadasig nga modonar og dugo alang sa mga nanginahanglan.
Nabantayan ni Matuguinas nga usa sa angayan nga hatagan og pagtagad karon ilabi na sa kabatan-onan mao ang mental health. Sa pakighinabi sa Banat News, gipadayag ni Matuguinas nga dili ikalimod nga daghang isyu kalabot sa mental health human nasinati ang pandemiya.
“Filipinos are still in the process of recovery and healing from traumatic experiences brought about by the pandemic”, matud ni Matuguinas.
Ang tema sa adbokasiya ni Matuguinas mao ang “iSTORYa: It’s Okay to Ask for Help”.
“I would like to end the stigma and discrimination of mental health Issues which hinder Filipinos to ask for help. I want people to know that mental health issues are not something to be ashamed of because they didn’t choose it for themselves – they are just victims”, padayag ni Matuguinas.
Samtang ang pangulo sa CCYDC Paolo Saberon nipadayag nga ubay-ubay ang gipilian aron mahimong kandidato sa Most Outstanding Youth of Cebu City ug gihimo ang hinashasay.
Kini nagpasabot nga dili basta-basta ang kabatan-onan sa nagkadaiyang barangay sa Sugbo gumikan kay aduna kini kasing-kasing sa pagtabang sa isigkatawo pinaagi sa nagkalain-laing nha mga adbokasiya. (BANATNEWS)
- Latest
