22,000 ka karaang WOA gi-validate sa CIDG-7

CEBU, Philippines — Niabot ngadto sa 22,000 ka karaan nga warrant of arrest ang padayon nga gi-validate sa Criminal Investigation and Detection Group(CIDG)-7 aron masuta kon ang subject sa warrant buhi pa ba o basin nadakpan na sa laing unit ug lugar.  Matud sa matud sa hepe sa CIDG-7 Police Colonel Peter Tagtag, Jr. nga makig-alayon sila sa korte aron makapangayo og update mahitungod sa pag- validate nila sa warrant of arrests.

Nangita og paagi karon ang CIDG-7 sama sa pakig-alayon sa ubang rehiyon aron matultolan ang mga nalutsan og warrant of arrest hinungdan nga gilaoman nga kon mahuman ang validation nga ilang gihimo mamenosan unya ang 22,000 nga pending warrant of arrests.

Niadtong Nobiyembre 21 hangtud sa petsa 27, 2022 niabot ngadto sa 21 ka operasyon ang ilang nahimo ug 38 ka tawo ang nadakpan diin sa maong gidaghanon pito niini most Wanted person ug 31 ang other wanted persons.

Ang pito ka most wanted persons nga nadakpan, duha niini top 1 most wanted person provincial level tungod sa kasong carnapping; usa ang top 3 most wanted person provincial level sa kasong statutory rape; laing usa nga top 4 most wanted person provincial level sa kasong kalapasan sa ilegal nga drugas; usa usab ka top 8 most wanted person provincial level tungod gihapon sa kasong kalapasan sa ilegal nga drugas; ug duha ka top 2 most wanted person municipal level sa kalapasan sa section 11 sa Akta Republika  9165 ug four counts sa kasong Violation Against Women and Children.

Dugang ni Tagtag nga kini maoy ilahang gitutokan aron maka-comply sa National Implementation sa search warrant diin base sa ilahang datos ang ilahang buhatan nakadawat og 4,000 ka bag-ong warrants. (BANATNEWS)