^

Banat Balita

55 ka pamilya nakadawat og tag P50 mil nga ayuda

Rowena D. Capistrano - Banat

CEBU, Philippines — Gihangop sa beneficiaries sa Balik Probinsiya, Bagong Pag-asa Program sa Department of Social Welfare and Development uban ang mga nagkadaiyang ahensiya sa gobiyerno ang ilang nadawat nga ayuda nga tag P50 mil.

Ang maong ayuda alang kini sa ilang panginabuhian balik sa ilang tagsa-tagsa ka mga probinsiya diin uban kanila nawagtangan ug panginabuhian tungod sa nilabay nga COVID-19 pandemics.

Ang BP2P usa ka pamaagi nga suporta sa gobiyerno nga makapamenos sa urban poor communities diin taas nga kaso sa COVID-19 nga natala.

Ang maong programa nagdasig kini sa mga pamilya o informal settlers nga mouli sa ilang lugar nga giila sa maong program.

Kagahapon sa buntag 55 ka mga pamilya nga mopauli sa nagkadaiyang probinsiya ang nakadawat og P50 mil matag usa. Ang paghatag sa maong ayuda gipangulohan ni DSWD Assistant Secretary for the Visayas Cluster Maria Evelyn Macapobre.

Usa sa mga recipient sa maong programa nga kanhi sales lady sa Dakbayan sa Lapu-Lapu Lourdes Tabora nibutyag nga dako kaayo iyang pasalamat nga usa sa mga napilian sa maong programa tungod kay dako kaayo kining tabang ngadto sa ilang pamilya.

Matud ni Tabora nga ang iyang nadawat nga kwarta iyaha kining inegosyo og baboy.

Sa iyang bahin, si Macapobre kinsa nibasa sa mensahe ni DSWD Secretary Erwin Tulfo kinsa wala makatambong tungod sa importanteng kalihokan sa kaulohan nidasig usab sa mga beneficiary nga unahon usa ang ilang nadawat nga kwarta ngadto sa ilang gitinguha nga mga negosyo ug palambuon kini ug dili lang usa mo huna-huna sa ubang mga butang sama sa pagpalit og mga kagamitan nga diin walay labot sa gitagana sa maong grant. (BANATNEWS)

AYUDA

Philstar
  • Latest
Latest
Latest
abtest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with