Ikaduhang trade fair himoon sa Talisay sunod buwan
CEBU, Philippines — Pagahimoon unya ang ikaduha nga trade fair sa Dakbayan sa Talisay sa sunod buwan human sa kasabutan nga gihimo sa opisyales sa Talisay City Chamber of Commerce ug sa siyudad sa Talisay.
Si Cyril Velasco, presidenti sa kahugpungan sa mga negosyanti nalipay nga nagmalamposon ang gihimo nila nga labing una nga trade fair.
Sa ikaduha nga higayon tinguha nila nga mahimo sab kini nga alegre ug malampuson.
Ang kalihukan gikatakda nga himuon karong Disyembre 15 hangtud sa 18 ning tuiga.
Si konsehal Eduardo “Digul” Gullas III nipadayag sa iyang suporta ug siya nagkanayon nga usa kini sa paagi sa pagtabang sa mga negosyanti sa pagpalambo sa ilang produkto.
Gawas pa niana, makatabang sab kini sa mga Talisaynon nga makatrabaho. —/MEL (BANT NEWS)
- Latest