Simbahan sa Carcar wala pa magamit human maguba sa bagyo

CEBU, Philippines — Gipahigayon una sulod sa gym sa Our Lady of Pillar Academy sa Lungsod sa Sibonga ang ilang ika-192 nga Fiesta Celebration uban sa Tema nga Sa Kalipay ug Kasakit kauban sa panaw ang Birhen sa Pilar.

Nasayran wala pa magamit ang simbahan kay apektado kini sa nilabay nga bagyong Odette, napulo ka buwan na ang nakalabay.

Ang misa gipangulohan ni Rev. Msgr. Juan Jose P. Dosado, Jr., HP, Moderator sa Team of Pastors sa St. Catherine of Alexandria Parish sa dakbayan sa Carcar uban sa kaparian sa Archdiocese of Cebu.

Matud pa ni Dosado, ang panaw sa pagtuo dili lang kutob sa sulti apan angayan kini ubanan sa buhat.

Dugang pa ni Dosado, ang pagdebosyon dili personal nga consumption kung dili angay kini ipadagayday sa pamilya ug sa tanang katawhan nga tugotan sila nga makauban sa panaw.

Sama sa mahal nga Birhen sa Pillar, kinsa wala lang kini nagtan-aw kung kauban kini natong nagpanaw sa kasakit ug kalipay ug dili lang kutob sa debosyon apan haligi kini nga lig-on ug mobarug sa bisan unsa nga mga pagsulay.

Si Rev. Fr. Agustin B. Abella, ang kura sa parukya sa Our Lady of Pillar, nitug-an nga ang ilang simbahan ug kombento dili pa magamit human naapektahan sa bagyo nga Odette ug wala pa usab siya masayod unsa nay dagan niini kay aduna may gitahasan ang Archdiocese of Cebu uban sa National Heritage Commission tungod kay ang simbahan usa man ka heritage site

Gitug-an ni Abella, sa pagka karon ang iyang trabaho mao lang usa ang pagpangalagad sa simbahan ug sa katawhan walay labut ang kaugmaran sa pag-ayo niini.

Samtang ang mga opisyal sa LGU sa Lungsod nangita pa og paagi kun unsay ilang matabang ilabi na ang parukya usa ka heritage site. —MEL (BANATNEWS)