Pagpanuli sa Lungsod sa San Fernando gikanselar

CEBU, Philippines — Gikanselar ni Konsehal Philip Jude “PJ” Medalla ang operation tuli diha sa Barangay Balud, Lungsod sa San Fernando.

Matud ni Medalla nga taud-taod na nila nga gisugdan ang libreng pagpanuli sa matag barangay sa San Fernando.

Kini alang sa mga kabatan-onan kinsa ang mga ginikanan maglisod sa pagdala sa ilang anak nga lalaki ngadto sa doktor aron ipatuli. Si Medalla kinsa chairman sa committee on health sa lungsod nihimo sa programa aron makatabang sa panglawas sa kabataan ug malibre usab sa bayranan sa pagpatuli sa ilang mga anak ang mga ginikanan.

Andam na unta ang tanan sa libreng tuli sa Barangay Balud apan gumikan sa pagsaka sa kaso sa COVID-19 sa lungsod ila una kining gikanselar. “Dul-an sa 100 unta ang nagpalista thru our SK Chairwoman and BHWs. But we decided not to push thru with the activity due to rising number of cases sa lungsod”, matud ni Medalla. Si Medalla nangayo og pagsabot sa tanan tungod kay lisod kong ipugos ang kalihokan diin maghatag kini og peligro sa katawhan. BDB (BANATNEWS)