68 ka sakyanan gi-clamp sa CCTO

CEBU, Philippines — Mokabat sa 68 ka sakyanan ang gi-clamp sa mga sakop sa Cebu City Transportation Office CCTO sa padayon nilang operasyon sa mga sakyanan nga illegal nga giparking diha sa kadalanan.

Kini gumikan sa matud pa daghan gihapong reklamo batok sa illegal parking nga ilang madawat sa laing-laing barangay sa siyudad.

Ang gipahigayonan ug operation mao ang barangay Buhisan, Guadalupe, Punta, Tisa, Opra, Toong, Pamutan, Sapangdako, Ramos ug Capitol.

Sa nasayran ang CCTO kanunay nipahimangno sa mga nanag-iya ug sakyanan nga dili mag-illegal ug parking aron dili sila mahasol ug makamulta.

Ang multa sa mga ma-clamp nga sakyanan moabot og P 1, 500 wala pay labut kung aduna kini mga kalapasan nga nahimo may kalabutan sa kalapasan sa lagda sa trapiko nga gibalewala lang sa mga hingtungdan. —MEL (BANATNEWS)