Kapin 4mil health worker ang nabakunahan
CEBU, Philippines — Sulod sa kapin usa ka semana nga pagpahigayon og coronavirus Disease (COVID)-2019 vaccine rollout sa Cebu City nakita sa Cebu City Health Department nga daghan na sa mga healthcare workers ang nagkapakuna, upat kanila ang giingong nakasinati og “serious allergic reaction” sa bakuna.
Nasayran moabot sa kapin 6 mil ka mga healthcare workers sa siyudad ang kwalipikadong bakunahan apan sa pagkakaron 4 mil palang ang nabakunahan matud pang Dr. Jeffrey Ibones, pangulo sa Cebu City Health Department.
“Base lang sa nagparehistro nilapas na gyud 50 percent, I think naa nata sa mga 70 percent. Para nako dili man tingali tanan pero atleast nakita nato unsa sila ka kuan na karon nga magpabakuna,” sigon ni Ibones.
Sa gipadalang impormasyon ni Konsehal Dave Tumulak, kagahapong adlawa nakabakuna ang siyudad og 4,435. Dunay 128 nila ang nakasinati og “mild adverse effect” sama sa pagsaka sa presyur sa dugo, apan human napainom og tambal nius-os ra; samtang dunay upat nga “allergic reactions” o namula apan nakauli ra gihapon. Silang tanan nabakunahan sugod Marso 28 hangtud Abril 8, 2021.
Duna say mga healthcare workers kansang mga lisensya expired na og pila ka tuig, dunay uban nga wala na sa medical field ug lahi na ang ilang gi-focus sama sa negosyo.
Giklaro ni Ibones wala sila moingon dili siya pwede bakunahan apan dili lang sila priority sa pagkakaron kay giuna kadtong angayan gyud unang hatagan sa Covid-19 vaccine.
Sa pikas bahin, nagpadayon ang Lapu-Lapu City Hospital sa pagpamakuna niadtong Miyerkules ug 110 ka health workers na ang nakadawat sa ilang ikaduhang dose sa bakuna.
Gawas sa mga hospital employees, uban frontliners nga nahatagan na usab ug second dose ang mga trabahante sa City Disaster Risk Reduction and Management Office. —Rowena D. Capistrano/IBM (BANATNEWS)
- Latest
