_banat
^

Mga bataang lumad giluwas

Iris Hazel Mascardo (Banat) - February 16, 2021 - 12:00am

CEBU, Philippines — Gironda sa kapolisan ug “gi-rescue” ang mga lumad nga mga estudyante ug magtutudlo nga nag-istar diha sa Talamban campus sa University of San Carlos sa Cebu City nga ubos sa Lumad Bakwit School.

Matud pa 19 Lumad minors ang na- rescue samtang pito ang gidakop sa mga sakop sa Police Regional Office (PRO)-7 kauban ang Cebu City Social Welfare and Development Office pagronda  sa retreat house sud sa maong unibersidad.

Si Police Brigadier General Ronnie Montejo, PRO-7 Chief miingon nga gilusad ang maong operasyon human dunay unom ka lumad nga ginikanan gikan sa Talaingod Davao Del Norte nidangop sa kapolisan aron magpatabang nga mabawi ang ilang mga anak nga gidagit sukad pa niadtong tuig 2018 sa mga sakop sa Salugpungan Ta Tanu Igkanogon.

“They are victims of indoctrination and recruitment by the Communist Terrorist Group and exploitation by the Salugpungan, as they were used during protest rallies against the government. They also asked for donations using IP minors,” matud ni Montejo.  Matud pang Montejo ang Salugpungan usa ka alternatibong tunghaan sa mga komunista apan gipasirad-an kay walay mga legal nga papeles.

Ang pito ka hamtong nga giaresto pasakaan og kasong Kidnapping and Serious Illegal detention case, Violation of Republic Act 9208 o ‘Anti-Human Trafficking in Persons Act of 2003’ as amended by R.A 10364,  ug ingon man Anti-Child Abuse Law.

Natingala

Usa ka Datu Benito Bayao kinsa mibarog nga lider sa mga batang Luma mihimakak sa pasangil nga ilang gigamit ang kabataan sa kalihokan sa militanteng pundok. “Natingala mi nganong naa mo diri nga kami, nangita namig paagi nga makauli mi didto sa Mindanao,” matud ni Bayao.

Siya miingon nga dili sila maabot sa Sugbo kung wala pa atakiha ang ilang mga tunghaan didto sa Mindanao. Matud pa niya napugos sila paganhi sa Sugbo tungod kay grabe ang diskriminasyon kanila didto sa ilang lugar.  Apan usa sa mga inahan sa naluwas nga menor de edad namahayag nga gipanguha ang ilang mga anak tulo ka tuig na ang nakalabay ug  gisaarang paeskuylahon didto sa Davao City.

Apan nahibulong sila sa dihang dunay nakaingon kanila nga nia sa Cebu ang mga bata hinungdan nga nidangop sila sa kapolisan.

Nasayran nga gawas sa mga na-rescue kagahapon duna nay uban kanila nga nakauli na balik didto sa Davao ug maoy nakatug-an kun asa ang ubang mga tinun-an gidala.

Nikondenar

Ang Save Our Schools Network nga maoy nagpadagan sa Bakwit school program mikondenar sa pagronda sa mga polis. Si Beverly Gofredo, Secretariat sa SOS Network mihulagway nga  naka- trauma sa mga bata ang maong hitabo.

Gihimakak nila nga nagtudlo sila og komunismo sa mga kabataan.

USC ug SVD

Sa ilang bahin,  ang SVD Philippines Southern Province ug  University of San Carlos mipagawas og pamahayag nga miklarong igo ra sila nisuporta katuyoan sa SOS Network nga matabangan ang edukasyon sa mga batang Lumad.

Giingong ilang gidawat ang grupo niadtong Marso 11, 2020 nga gilangkuban og 42 ka estudyante nga gikuyogan og lima ka magtutudlo ug tulo ka Datus (community elders) human nga upt na sab ka mga tunghaan nga mi-host og susamang kalihokan.

Gipagamit sa SVD ang ilang retreat house diha sa USC Talamban Campus alang sa modular schooling nga matapos og Abril 3, 2020 ug pagkahuman niini mamauli na sila balik sa ilang mga lugar. Apan tungod sa pandemiya daghan ang mga restriksyon ug naabtan gyud sila og lockdowns hinungdan nga gisagop una sila sa SVD Community ug anha gipapuyo sa ilang retreat house.

Dihang niluag ang restriksyon nakauli na ang uban apan duna pay uban nga mamauli palang karong semanaha.

Gumikan sa gastos ilabi na sa swab-testing gibahin-bahin sila sa pagpauli. Upat na ka grupo ang nakauli ug kataposang batch unta karong semanaha. Apan nakurat nalang sila dihang nahitabo ang raid ug ang giingong “rescue operations” sa kapolisan sa maong mga lumad.

Ang pamahayag sa SVD ug USC gipirmahan nilang Fr. Rogelio N. Bag-Ao, SV2D ug  Fr. Narciso A. Cellan, Jr. SVD.— IBM (BANATNEWS)

LUMAD
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with