Clearing operations hapsay nga napahigayon sa probe
Cebu, Philippines — Gipahibawo ni Raquel Arce, ang pangulo sa Prevention Restoration Orderly Beautification and Enhancement kon Probe, nga dili mominos sa 20 ka mga barangay ang hapsay nga napahigayonan sa clearing operations.
Nagkanayon si Arce nga itande sa unang clearing nga gipahigayon sa miaging tuig, mas misunod na karon ang katawhan sa paghawan sa ilang mga lugar.
Dugang pa ni Arce, aron adunay panahon pa nga moguba sa mga structure ang mga tag-iya niini, human nila ipadala ang notice.
Samtang gioperasyonan usab sa mga sakop sa Cebu City Transportation Office (CCTO) ang mga nagbabag nga mga sakyanan ug motorsiklo sa sidewalk. Suma pa sa tigpamaba sa CCTO nga si John Paul Amores nga ubay-ubay gyud ang naisyohan nila og citation ug na-clamp.
Sa miaging gabii, 16 ka motor ang na-impound, 31 ka citation ang na-isyu ug 9 ka sakyanan ang na-clamp. — Sanden J. Anadia ( BANAT NEWS)
- Latest
