Hapon napalgang patay daplin sa kalsada

CEBU, Philippines — Napalgang wala nay kinabuhi ang usa ka Japanese national diha sa dalan Juana Osmeña eskina MP Yap Ma. Christina sa Barangay Kamputhaw sa Dakbayan sa Sugbo niadtong alas 8:20 Domingo sa gabii. Ang maong langyaw giila sa kapolisan nga mao si Yori  Shunsuke , 32, lumad na taga Hokkaido, Japan kasamtangan nagpuyo sa maong dapit  Matud pa ni Police Major Elisandro Quijano ang hepe sa Abellana Police Station  sa ilang pasiunang imbestigasyon mahilig mangabang og mga babayeng mugbo’g lupad ang maong langyaw diha sa maong dapit.

Wala pa matino kun unsay hinungdan sa kamatayon niini. Ang patay’ng lawas ipaubos sa otopsiya aron pagsuta kun unsa iyang gikamatyan. (BANAT NEWS)