Mga seminar sa dakbayan sa Sugbo ipaagi sa online
Sanden J. Anadia (Banat) - September 18, 2020 - 12:00am

CEBU, Philippines — Ipaagi lang una sa online ang mga kalihokan sa tanang departamento sa kagamhanan sa Dakbayan sa Sugbo.

Kini maoy unod sa memorandom nga gipadala ni Mayor Edgardo Labella kagahapon  ngadto sa department heads.

Kasagaran sa maong mga kalihokan mao ang mga seminar o mga forum.

Si Labella nagkanayon nga usa kini sa pamaagi nga mas malikayan pa ang pagkatap sa COVID-19 ug masiguro usab ang kaluwasan sa mga empleyado ug sa ilang mga konstituwente.

Hinuon giklaro ni Labella nga kun gikinahanglan gyud ang personal nga presensiya  sa mga partisipante sa usa sa kalihokan kinahanglan nga mangayo kini og approval sa iyang buhatan aron masuta ang lapad nga plano niini partikular na sa health protocols. 

Usa sa nahimong sumbanan sa usa ka online activity mao ang bag-ohay lang nga Webinar on SK Budgeting nga gidumala sa Sangguniang Kabataan Federation- Cebu City. /BDB (BANATNEWS)

SEMINAR
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with