Matud pa niya nga gisugdan na ang pagproseso alang sa ilang dawatonon nga hazard pay ug monthly honorarium.
Walter Bollozos, file
Hazard pay, honoraria sa Lapu-Lapu mahatag na
Romeo T. Limpangog (Banat) - July 2, 2020 - 12:00am

CEBU, Philippines — Gipahibawo ni Lapu-Lapu City Mayor Junard “Ahong” Chan nga makadawat sa ilang hazard pay ug monthly honorarium ang mga barangay frontliners nga nagserbisyo dihang gipaubos ang siyudad sa enhanced community quarantine (ECQ) sugod niadtong Marso 29, 2020. Gihimo sa mayor ang maong pagpahibawo sa gipahigayon nga panagtigum sa mga barangay kapitan niadtong Martes, Hunyo 30, 2020.

Matud pa niya nga gisugdan na ang pagproseso alang sa ilang dawatonon nga hazard pay ug monthly honorarium.  Sa gi-post nga advisory sa Facebook page sa Public Information Office (PIO) sa maong dakbayan maoy nasayran nga ang tanan nga mga frontliners nga nagserbisyo sa ilang tagsa-tagsa ka barangay ang makadawat og hazard pay nga P300 ang matag adlaw.

Samtang ang mga Barangay Health Workers (BHWs), Lupong Tagapamayapa, ug ingon man ang mga Barangay Public Safety Officer (BPSO) o mga tanod ang makadawat usab og P500 nga monthly allowance.

Nunot niini mapasalamaton ang mayor sa serbisyo nga gitanyag sa mga frontliners labi na niadtong panahon nga gipaubos ang siyudad sa ECQ ug karon nga general community quarantine na.

Ang Dakbayan sa Lapu-Lapu ang gipaubos sa ECQ sugod niadtong March 29, 2020 ug gitakli kini ngadto sa GCQ niadtong Hunyo 1, 2020.

Sa mao gihapon nga panagtigum iyang gisugdan ni Chan ang pagpangapod-apod sa P50,000 nga cash aid alang sa Barangay Anti-Drug Abuse Council (BADAC) nga gidawat usab kini sa mga barangay kapitan nga nitambong sa maong panagtigum. /GMR (BANATNEWS)

HAZARD PAY
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with