Giila ang dinakpan nga si Roblen Repdos, 42-anyos, nga nagpuyo sa maong lugar ug usa ka Grab driver.
STAR/File
Grab driver nagnegosyo og shabu
Sheriza Mae R. Uy (Banat) - April 9, 2020 - 12:00am

CEBU, Philippines — Mokabat sa P31.2 milyones nga balor sa shabu ang nasakmit sa gipahigayon nga joint operation sa Sitio Danao, Barangay Valencia, Dakbayan sa Carcar kagahapon.

Ang operasyon gipasiugdahan sa Regional Intelligence Division 7 ug Cebu Provincial Police Office (CPPO) Provincial Intelligence Branch.

Giila ang dinakpan nga si Roblen Repdos, 42-anyos, nga nagpuyo sa maong lugar ug usa ka Grab driver.

Matud ni PRO-7 Director, Police Brigadier General Albert Ferro, nga ang pagkasikop kang Repdos resulta kini sa dakop sa Dakbayan sa Talisay niadtong usa ka gabii.

Dugang ni Ferro nga base sa mga tea bag nga nakuha sa posisyon ni Repdos gikan ang shabu sa New Bilibid Prison sa Dakbayan sa Muntinlupa.

Gibutyag sab ni Ferro nga sa iyang trabaho isip drayber posible nga nagsilbi sab kini siya nga courier sa ilegal nga drugas. Giingon nga mamahimo nga i-dispose ni Repdos ang drugas sa Dakbayan sa Sugbo, Talisay ug mga silingan nga lungsod.

Nakuha mao ang tulo ka dagku nga tea bags ug 18 ka dagku nga repack nga gituohang shabu.

Adunay 4.6 kilos ang gibug-aton sa shabu nga nakuha nga balor og P31.2 milyones.

Kasong kalapasan sa Republic Act No. 9165 labi na sa Section 5 ug 11 niini kon pagkupot ug pamaligya og ilegal nga drugas.

Samtang dul-an sa usa ka milyon ka pesos nga kantidad sa shabu ang nasakmit sa mga sakop sa PIB sa CPPO gikan sa usa ka High Value Individual (HVI).

Ang buy-bust operation gihimo sa Sitio Hanas, Barangay Tabunok, Dakbayan sa Talisay kagahapon sa ala una sa kaadlawon.

Ang subject sa operasyon mao si Edurni Racaza Olazo, 32-anyos, nga nagpuyo sa nahisgutang lugar.

Ang iyang kauban nga naapil sa pagkasikop mao si Karren Gay Camoro Cabañero, 36-anyos.

Ang grupo nila ni Police Lt. Col. Marlu Conag ang nakigsabot ni Olazo ug wala magdugay nibugay ra gyud kini.

Gidakop ang mga suspek nga nakuhaan og shabu nga nitimbang ng 115 gramos nga adunay gibana-bana nga balor sa P782,000.

Ang mga dinakpan gibalhug sa bilanggoan samtang nagpaabot nga pasakaan og kaso. Gabriel C. Bonjoc/GMR (BANATNEWS)

GRAB DRIVER
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with