RTF-ELCAC pasumitihon og project proposal

MANILA, Philippines – Giawhag ni Presidential Assistant for the Visayas Secretary Michael Llyod Dino ang 12 ka clusters sa Regional Task Force to End Local Communist Armed Conflict (RTF-ELCAC) sa pagsumiter sa tanan nilang project proposal alang sa tuig 2021 karong adlawa.

Kini aron sa pagplano ug pagpreparar sa maong mga proyekto ug isumiter kini atol sa joint Regional Development Council (RDC)- Regional Peace and Order Council (RPOC) meeting karong buwan sa Marso niining tuiga.

Ang maong deadline gihimo aron pag-comply usab sa deadline nga gihatag sa Department of Budget and Management (DBM) sa National Budget Memorandum Circular 133 nga gi-set niadtong December 2019.

Niadtong Pebrero 11 niining tuiga si Dino kinsa maoy cabinet officer alang sa Regional Development for Security sa Central Visayas nagpatawag og meeting uban sa member agencies sa RTF-ELCAC.

Giawhag niini ang mga miyembro sa 12 ka clusters sa pag-submit sa ilang projects proposal base sa mga isyu ug concern nga gipresentar sa identified conflict-affected ug vulnerable barangays.

Sa kasamtangan adunay 16 ka identified conflict-affected ug vulnerable barangay sa region-7 nga nahimutang sa Negros Oriental.

Gilakbit usab ni Dino ang gihimo sa Department of Interior and Local Government (DILG)-7 sa pagkompleto sa series sa «Dagyawan sa Barangay: Talakayan at Serbisyo sa Mamamayan»  diin niresulta kini sa paghatag og mga isyu ug concern ingon man project proposals nga motubag sa grass roots level.

Gitudlo ni Dino si assistant secretary Anthony Gerard «Jonji» Gonzales isip chairman sa RTF-7 ELCAC technical working group.

Ang TWG maoy mosiguro nga ang plano, programa ug proyekto alang sa conflict-manageable and development-ready communist terrorist groups-affected areas ma-endosar alang sa budget allocation ug implementasyon.

Mopahigayon sab sila og site visits sa listed peojects isip kabahin sa monitoring sa nagpadayon nga implementasyon sa ELCAC in terventions sa 2020. /BDB (BANAT NEWS)