Walo ka seminirarista giordinahan
Rowena D. Capistrano (Banat) - December 11, 2019 - 12:00am

CEBU, Philippines – Walo ka seminarista ang giordinahan pagkadiyakono kagahapon sa buntag diha sa Cebu Metropolitan Cathedral.

Ang maong kalihukan gipangulohan ni Archbishop Jose Palma uban ang kaparian sa Archdiocese of Cebu ug gitambongan usab kini sa mga pamilya, kabanay ug higala sa mga seminarista nga giordinahan.

Ang mga giordinahan gilangkuban nila ni Reverend Leo Lou Archie sa St. Anthony of Padua Parish, Barangay Guinsay, Dakbayan sa  Danao; Reverend Res Kenneth Arong sa St. John Nepomuceno Parish, Lungsod sa Moalboal; Reverend Julrie Camay sa Holy Family of Nazareth Parish, Barangay La Paz, Dakbayan sa Bogo; Reverend Christian James Mayol sa Archdiocesan Shrine of Santiago de Compostela sa Lungsod sa Compostela; Reverend Rogel Murillo sa National Shrine of Nuestra Sra. Virgen Dela Regla Parish sa Dakbayan sa Lapu-Lapu; Reverend Christopher Carl Ompad sa St. Augustine Parish, Sta. Rosa, Isla sa Olango; Reverend Jonas Yap sa Our Mother of Perpetual Help Parish (Redemptorist Church), Cebu City ug Reverend Gilbert Ytang sa Holy Family of Nazareth Parish, Barangay La Paz, Dakbayan sa Bogo.

Matud ni Palma ngadto sa mga diyakono nga gasa sa Ginoo ang ilang nadawat sa ordinasyon ug ipaambit nila ang ilang serbisyo nga mahimong matinud-anon sa pag-alagad diha sa komunidad.

Gipahinumduman ni Palma ang mga diyakono nga dili ang gahum, bahandi ug dungog ang gikinahanglan apan ang pagkakontento ug kalipay sa paghatag og maayong serbisyo lakip ang pagpalambo sa Kristohanong himaya, kung diin ipaambit ang maong gasa nga nadawat ngadto sa komunidad.

Nunot niini, niawhag ang mga diyakono sa katawhan nga ilakip sila sa pag-ampo sa ilang paglawig sa pagpaambit sa ilang gasa ngadto sa komunidad. /BDB (BANAT NEWS)

SEMINIRARISTA
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with