Kini ang usa sa mga taytayan nga nagdugtong sa Dakbayan sa Mandaue ug Isla sa Mactan nga maoy paboritong lugar sa buot magpakamatay nga karon gipabantayan na sa kapolisan aron masanta ang mga dautang hunahuna sa uban.
Joy G. Torrejos
Kapolisan magbantay batok molayat sa bridge
Camille L. Pateres (Banat) - August 20, 2019 - 12:00am

CEBU, Philippines —  Gipabantayan na sa Police Regional Office 7 og kapolisan ang Mandaue-Mactan Bridge ug Marcelo Fernand Bridge aron masanta ang buot nga moambak sa maong mga taytayan.

Kini human gikompirmar sa PRO-7 nga walay foul play ang pagkamtay sa 16-anyos nga atleta ug giingong problema sa pamilya ang hinungdan sa pagpakamatay niini.

Matud sa direktor sa PRO-7 nga si Police Brigadier General Debold Sinas nga nilayat gyud sa taytayan ang batan-on tungod sa gidala nga bug-at nga problema.

“Starting gabii naay guwardiya sa tunga gyud, akong guidance sa ilaha mag-blinker gyud aron makahibaw ang mga tawo nga naay nagbantay,” sigun sa heneral.

Nasayran nga kapin 30 ka oras human gideklar nga missing ang tinun-an ug atleta, napalgan kini nga naglutaw ug wala nay kinabuhi sa shipyard sa Barangay Opao, Dakbayan sa Mandaue niadtong Domingo sa buntag.

Sa pagsubay sa mga footages sa close circuit television (CCTV) cameras nakita nga nag-inusarang naglakaw ang batan-on ug nilayat sa taytayan.

Matud ni Sinas nga kini ang lig-ong ebidensya nga walay foul play sa pagkamatay sa maong batan-on.

Samtang alang sa mga suicidal nga tawo o kun adunay nailhang suicidal, mamahimong manawag sa Tawag Paglaum Centro Bisaya, usa ka 24/7 suicide prevention ug crisis intervention hotline: 0939-937-5433; 0939-936-5433 ug 0927-654-1629. (GMR) (BANATNEWS)

BRIDGE
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with