Pagpuyo ni Atty. Almendras sa Lapulapu susihon sa konseho
Romeo T. Limpangog (Banat) - July 22, 2019 - 12:00am

CEBU, Philippines — Mohimo pa og pakisusi ang mayoriyang sakop sa konseho  sa appointment ni Atty. Danilo Almendras sa Dakbayan  sa Lapu-Lapu  alang sa pagsuta kon nakatuman ba kini sa gikinahanglan nga rekisito aron mahimong city administrator sa kagamhanan  sa maong dakbayan.

Nunot usab kini sa pagpadaplin nga pagtuki unta kabahin niini atol sa regular session niadtong  Hulyo 18  o  sa miaging semana nga nalakip unta kini sa ilang agenda.

Sa nasayran nga gitudlo ni Mayor Junard  Ahong Chan si Almendras nga maoy iyang city administrator. Apan gikinahanglan nga moduso ang mayor og appointment ni Almendras nga kinahanglang aprubahan sab sa konseho. Si Konsehal  Ricardo  Amores miingon nga ilang nahukman ang pag-defer na lamang niini sa sunod  nga regular  session  tungod kay ilaha pang susihon ang residency ni Almendras sa siyudad.

Gipasabot ni  Amores nga ubos sa Section  480 sa Loal Government Code  nga nalakip sa requirements niadtong itudlo nga city administrator  nga kinahanglang nakapuyo sila sa lugar sulod na sa unom ka buwan.

Dugang pa ni  Amores nga sayod si Almendras bahin niini sanglit nahimo man sab kining city  administrator  sa Dakbayan  sa Mandaue hangtod niadtong  Hunyo 30  niining tuiga ubos sa administrasyon ni kanhi mayor Gabriel Luigi Quisumbing.

Matud ni Amores ilaha pa karong subayon kun tinuod bang nakapuyo sa us aka subdivision sa Barangay Basak sa Dakbayan sa Lapu-Lapu si Almendras base sa gipakita niining certification. (/IBM)(BANATNEWS)

 

ALMENDRAS
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with