Gustong di madayon ang piniliay sa barangay

CEBU, Philippines — Nagmalaumon ang mga barangay kapitan sa Siyudad sa Talisay nga isibog lang una ang piniliay sa barangay ngadto sa mga mosunod nga katuigan.

Una niini, si Atty. Gallardo Escobar, Comelec officer sa dakbayan nipahibawo nga ang ilang hatagan og pagtagad karon mao nasab ang pagrehistro aron makabotar sa sunod tuig nga barangay elections.

Ang kadagkuan sa Comelec sa kaulohan nipahibawo nang daan nga maglisod sila sa piniliay sunod tuig kay menus na ang ilang budget.

Si Escobar nipasabot nga ang ilang gibuhat mao lang ang pagsunod sa kalendaryo sa ilang buhatan apan kon isibog ang piniliay, andam ra sila nga mosunod.

Matud ni Kapitan Josefina Concial sa Brgy. Candulawan nga kon madayon ang piniliay, wala siyay problema ug samot na nga mauswag kini aron dili sila makagasto.

Si Concial maoy bag-o karon nga presidente sa Association of Barangay Council sa Talisay human si Marietha “Yehyen” Bucao midaug pagka konsehal sa dakbayan sa miaging piniliay. (/DILT)(BANATNEWS)