Kaparian ilahugay sa karong tuiga

CEBU, Philippines — Adunay ipahigayon nga re-shuffling o lahugay sa mga kaparian sa Archdiocese of Cebu nga posibleng ipahigayon sa tunga-tungang bahin karong tuiga

Ang maong kalambuan gipadayag mismo ni Cebu Archbishop Jose Palma apan sa pagkakaron, padayon pa nila kining gituki.

Sumala ni Palma, gisuta pa nila karon ang mga assignment sa kaparian lakip na usab ang re-assessment sa mga pari sa parokya. Gitug-an sa arsobispo nga sayod siya nga sulod sa tulo ka higayon, magtigum ang personal board aron tun-an ang mga assignment sa kaparian.

Ang arsobispo mitug-an nga padayon pa usab nilang gitun-an ang tinguha sa standard living allowance sa kaparian ubos sa artsidayosesi. (/DILT)(BANATNEWS)